გოჩა სურმანიძე

დაიბადა 1974 წლის 3 მარტს, ბათუმში. სპორტის სიყვარული ბავშვობიდანვე იყო მისი ცხოვრების ნაწილი, თუმცა 1991 წელს, ბათუმის №28 საშუალო სკოლის დამთავრების შემდეგ, ის გზაზე დადგა, რომელიც მთელი ცხოვრების საქმედ იქცა — დაიწყო ვარჯიში კარატეში.
მრავალწლიანი შრომისა და თავდაუზოგავი ვარჯიშის შემდეგ, გოჩა სურმანიძე გახდა კარატეში შავი ქამრის (5-ე დანი) მფლობელი და თავი მთლიანად მიუძღვნა ამ სპორტის განვითარებას საქართველოში.
2012 წელს დააფუძნა აჭარის კარატეს ფედერაცია, რომლის პრეზიდენტადაც აირჩიეს. 2014 წელს წარმატებით დაასრულა პოლიტექნიკურ- ჰუმანიტარული სამედიცინო ინსტიტუტის ბათუმის ფილიალის სოციალური მეცნიერებათა ფაკულტეტი, რითაც კიდევ უფრო გააფართოვა თავისი პროფესიული ცოდნა და მენეჯერული უნარები.
2023 წელს შეიქმნა საქართველოს კარატეს გაერთიანებული ეროვნული ფედერაცია, რომლის პრეზიდენტადაც არჩეული იქნა. იმავე წლის 1 იანვარს იგი გახდა მსოფლიოს კარატეს ფედერაციების კავშირის წევრი, რაც საერთაშორისო სპორტულ არენაზე მისი ავტორიტეტის დადასტურებაა.
2024 წლის 15 მაისს გოჩა სურმანიძეს მიენიჭა „მამუკა ბაგრატიონის ფონდის“ საპატიო წევრის წოდება და დაჯილდოვდა ფონდის ორდენით.
დღეს იგი აგრძელებს მოღვაწეობას როგორც მწვრთნელი და ლიდერი, რომლის მიზანია კარატეს ფილოსოფიისა და ღირებულებების გავრცელება ახალ თაობებში.